Uzbek She'r sehri@sherSehri
She'r sehri Ўзбек шеъриятининг кечаси ва бугуни бир ерда - ушбу каналда!

Aдмин: @DilDost

Creator: @xurshid_a
Information
1 198
members
3.85%
0
publications
N/A
views per week
N/A
views per month
  • 0
    in this channel
  • 0
    from this channel
  • 0
    forwarded channels

:(

No one has rated this channel
Be the first!
Channel statistics
Show
Publications Last 10 publications
December 24, 2018 19:41
ВАҚТКИШАН

Қимматбаҳо соат тақсангу
Вақт қадрини билмасанг, дўстим.
Қўлсоатинг сенга ёқсаю,
Вақтга парво қилмасанг, дўстим.

Ёнингдаги содда қора кўз,
Сени бой деб ўйлар,
Лек ишон...
У ҳеч қачон билмас қуллигинг,
Соат бўлиб кўринар кишан.

© Дилмурод ДЎСТ

@sherSehri
December 24, 2018 17:39
* * *

Бировдан ҳеч қачон қилмади гина,
Тамани кўрмади ўз шахсига эп.
Бир четда турарди камсуқумгина,
Оғирим тушмасин одамларга деб...

Ҳунарманд қўллари - бутун хазина,
Марварид сўзлари мармарларга зеб.
Бир четда яшади камтарингина,
Оғирим тушмасин одамларга деб...

Биларди кўримсиз дунёда мангу
Яшашнинг имкони топилмас ҳадеб,
Вафотидан аввал озиб кетди у,
Оғирим тушмасин одамларга деб...

Тобутини
кўтардик -
енгил...

© Shahriyor Shavkat

@sherSehri
December 24, 2018 14:58
Баҳор келгач фотиҳамизни,
Қалдирғочлар ўқиб беради.
Найсон- чевар, гулгун кўйлагинг,
Камалакдан тўқиб беради.

Узун қиш тунини яшаб ўтсак бас,
Кишанларни бойчечак ечмиш.

Япроғини бичиб ялпизлар,
Кўзларима илар чимилдиқ.
Гўшангамиз учун хонқизи,
Тушларини беради тиниқ.

Айрилиқ кунини яшаб ўтсак бас,
Қатқалоқ ғовларни шабнамлар ечмиш.

Пешонамиз ювади беҳишт,
Тақдиру таъқиқлар қолади ортда.
Бир мангу манзилни макон этамиз,
Қувилмаймиз заминга қайта.

Шу битта умрини яшаб ўтсак бас,
Танимизни Азроил ечмиш.

©Нажмиддин Эрматов

декабрь, 2018
December 24, 2018 14:24
Yaxshi edi sening kelganing,
Kelmaganing undan yaxshiroq.

© Rauf Parfi

@sherSehri
December 24, 2018 12:22
Koʻrish imkoniyati cheklangan yoshlar bugungi kunda aksariyat badiiy adabiyotlarni oʻqiy olmayaptilar.

⭕️Batafsil: https://bit.ly/2LCkzjG
🎥YouTube: https://youtu.be/gBmiCteATBE
👉Telegram: https://t.me/joinchat/AAAAAEe1OJ52e5VmK47ZSw
December 24, 2018 11:35
Бир “муаллиф” бор. Унинг номини билмаган хатлар бўлими мудири бўлмаса керак. У ўн йилдан бери ҳамма таҳририятга мунтазам равишда кунига бештадан шеър юбориб туради. Ўн йилдан бери бирор шеъри босилиб чиққани йўқ. Уни таҳририятдагилар дастхатиданоқ танишади. Жавоб ёзмай қўйишди: фойдаси йўқ, “шоир” қофиялагани қофиялаган.

Менимча, бу — бахтиёрликдан эмас. Бу — сўзга ҳурматсизликдан, гўзаллик олдида ҳайратда қола билмасликдан, баъзан эса беорлик ва нодонликдан.

Азизлар, Лермонтов умрида биттагина китоб чиқарган.

Блок кўнгил дафтарига бундай деб ёзган экан: “Шеърни ёзмай қўйсаммикин, деган ўй келди бошимга. Чунки шеър ёзишга жуда уста бўлиб кетмадиммикин деб қўрқаман”.
Асқад Мухтор
@sherSehri
December 24, 2018 08:04
December 24, 2018 08:04
Адабиёт ҳавасга кириладиган шон-шуҳрат боғчаси эмас

Адабиёт ҳавасга кириладиган шон-шуҳрат боғчаси ёки шунчаки, кўп қатори бажариб юриладиган касб эмас. Адабиётга одам бир умр ёнгани киради. Ҳар бир асарда бир ловиллаб ёнмаса, ёзувчининг бўлмагани маъқул. Ёзувчилик, менинг назаримда, энг қизиқ, энг эҳтиросли ҳаёт. Бунда фаолият натижаси — асарнинг ўзигина эмас, жараён, изланиш жараёни, излаб топиш, излаб яшашнинг ўзи қизиқ. Ҳар сафар ўзингга ҳам, китобхонга ҳам янги бир олам очишинг керак. Адабиёт жараёни узлуксиз; қанча ёзувчи бўлса шунча усул; ҳаёт мураккабликларининг мағзини ҳамма ўзича излайди, ҳамма ўз юрагида қайнатади, ўз илҳомини, ўз эҳтиросини тақдим этади. Озгина сўз айтиш учун у жуда кўп билиши, жуда кўп кўриши, воқеаларни, биографияларни, фактларни, ҳисларни, ўйларни, психологияни билиши керак. Муҳандис ёки академик билиши шарт бўлмаган соҳалар бор. Ёзувчида эса бундай соҳа йўқ. Ёзувчининг ҳаёт тажрибаси, биографияси — олтин фонд. Уни ҳозирдан ярата бошлаши керак.

Асқад Мухтор
@sherSehri
December 24, 2018 07:54
РЎЙХАТЛАР ДУНЁСИ

– Ўғлим, дейди ота, дунёда рўйхатлар кўп, қизил, яшил, кўк, қора... камалакдек ранг-баранг улар, ўғлим. Одамзот умр бўйи у рўйхатдан бу рўйхатга ўтиб яшайди...
(давоми:)
https://telegra.ph/R%D0%8EJHATLAR-DUNYOSI-12-24

Ҳусан Мақсуд
@mittihaqiqatlar
December 24, 2018 07:50
Ёш бўлиш яхши. Аммо бу ҳам қийин...

Ёш бўлиш яхши. Аммо бу ҳам қийин. Айниқса, ёш ёзувчи бўлиш қийин. Чунки ҳам ўзингни, ҳам бировларни тарбиялашинг керак. Ёш бўлиш қийин. Ҳамма сенга насиҳат беравергани учунгина эмас, ёш бўлиш аввало шунинг учун қийинки, ёшликнинг иши, масъулияти оғир бўлади: ўқиш, устозлардан ўрганиш керак, олдинги авлодлар яратган ҳамма билим ва маҳоратни эгаллаш керак, энг муҳими — устозларни қувиб етишгина эмас, ўтиб кетиш, улар яратган хазинага нимадир қўшиш керак. Акс ҳолда, тараққиёт бўлмайди. Баъзан шогирд устоздан ўтипти деб ҳайрон бўлишади, бу — нотўғри. Устоздан ўтмаса, шогирд бўлишнинг нима моҳияти бор?! Шогирдлар устозлардан ўтмаса, тараққиёт тўхтаб қолади-ку, ахир? Авлодлардан авлодларга ўтишнинг маъниси бўлмай қолади. Агар бирор оқсоқол ёшларга: “Сен биздан олдинга интилма, ўз жойингни бил!” деб таълим берса, бу мутлақо хато бўларди. Абдулла Қаҳҳор “Талант — халқ мулкидир” деган мақоласида бу масалада баъзи оқсоқолларнигина эмас, эски удумни догмага айлантириб, ўз журъатини тийиб юрган баъзи ҳуркович ёшларни ҳам танқид қилади. “Ҳурмат билан саломингни бер-да, ишинг зарур бўлса, ўтиб кетавер”, дейди Абдулла ака.

Асқад Мухтор
@sherSehri
Publications of channel
Go to full channel publications archive
Get it on Google Play